MALAYBALAY CITY – Andam muhatag og legal nga tabang ang Kagamhanang Probinsyal sa Bukidnon ngadto sa mga biktima sa mga vehicular accident nga nahitabo atol sa gipahigayon nga Boss Ironman Motorcycle Challenge niadtong Pebrero 1, 2026.
Pinaagi sa Memorandum Order No. 40 s. 2026 nga giluwatan ni Provincial Governor Rogelio Neil P. Roque, gimanduan niini ang Provincial Legal Office.
Tumong sa maong kamanduan nga makahimo ang legal office og usa ka komprehensibong report nga maglakip sa ilang mga aksyon, findings ug rekomendasyon kalabot sa mga insidente.
Nasayran nga ang lalawigan sa Bukidnon, ilabi na sa siyudad sa Valencia, maoy nagsilbing usa sa mga checkpoint areas sa maong endurance challenge diin ubay-ubay nga aksidente ang natala sa rota niini.Tungod niini, tinguha sa kagamhanang probinsyal nga masiguro nga mahatagan og saktong giya ug suporta ang mga naapektuhan sa maong mga disgrasya.
SOURCE: LGU BUKIDNON