Gisugdan na sa banay sa militar ang pagproseso sa angayng dokumento ug mga lakang aron hingpit nang madeklarang insurgency-free ang lalawigan sa Bukidnon.
Sa eksklusibong pakighinabi sa Bombo Radyo Malaybalay, gibutyag ni BGen. Seigfred C. Tubalado, Commander sa 403rd Infantry “Peacemaker” Brigade sa Philippine Army, nga anaa na sa pinal nga yugto ang maong tinguha dungan sa padayon nga monitoring ug operasyon batok sa mga nahabiling rebelde nga wala na’y kapasidad nga makig-away.
Gitino sa opisyal nga gihingusgan karon ang pagkompleto sa tanang rekisitos samtang padayon ang paggukod sa mga miyembro sa rebeldeng grupo aron maseguro ang hingpit nga kalinaw ug kalambuan sa tibuok probinsya sa dili pa ang pormal nga deklarasyon.
Gidugang pa sa opisyal nga ang mga nahabiling rebelde anaa na karon nagtago sa boundary sa Agusan del Sur ug Bukidnon, partikular na sa lasangon nga bahin sa Pantaron Range. Gibutyag usab niini nga ginasuyod na sa kasundalohan ang
Gipasabot usab niini nga sulod sa duha ka tuig, wala na silay nadawat nga report sa bisan unsang pagpangatake o teroristang aksyon gikan sa rebeldeng grupo tungod nawad-an na sila og igong kapasidad busa walay angay nga ikabalaka ang publiko sa posibleng hulga sa insurhensiya.
Bisan pa niini, padayon gihapon ang koordinasyon sa militar ug kapulisan aron mabantayan ang seguridad sa publiko ug masiguro nga dili na makabalik ang maong hulga sa probinsya kaniadto.