Gilaumang mosaka ang produksyon sa agrikultura ug pangisda ug mapalig-on ang dugayng seguridad sa pagkaon sa nasud gumikan sa mas dako nga badyet sa sektor karong tuiga.
Kini sumala ni Agriculture Secretary Francisco Tiu Laurel, human ipirmahan ni Presidente Marcos ang P6.793-trilyon nga national budget sa 2026 diin P297.102 bilyon ang nadawat sa agrikultura, mas taas kumpara sa P237.4 bilyon sa miaging tuig.
Matud pa sa kalihim, ang dugang pondo alang sa imprastruktura, suporta sa mag-uuma ug postharvest facilities makatabang sa pagpaayo sa produktibidad, pagkunhod sa kawad-on ug pagpalig-on sa suplay.
Mi-doble ang badyet sa farm-to-market roads ngadto sa P33 bilyon, mi-triple ang Rice Competitiveness Enhancement Fund sa P30 bilyon, ug P20 bilyon ang gigahin alang sa Animal Industry Competitiveness Act ug dugang pondo sa P20 kada kilo nga bugas nga programa.