Gikumpirma ni PLTCOL. Dave E. Mahilum, hepe sa 1st Bukidnon Provincial Mobile Force Company (PMFC), ang malampusong pagluwas sa usa ka menor de edad nga misulay sa pagtapos sa iyang kinabuhi sa Atugan Bridge, Sitio Kibangan, Impasugong, Bukidnon niadtong Marso 5.
Nasalbar sa mga personahe sa 1st PMFC ang maong bata kinsa giingong dili residente sa probinsya sa Bukidnon apan naabot lamang sa maong dapit.
Sumala sa report, daling napugngan sa mga on-duty PNP personnel ang plano sa menor de edad pinaagi sa daling paggunit sa bisti niini sa wala pa kini makalayat sa tulay.
Matud sa opisyal ang maong indibidwal usa ka langyaw ug midayo lamang sa lungsod sa dihang nahingod ang panghitabo.
Gidugang pa niini, nga sumala sa imbetigasyon, nasuta nga adunay problema ang menorded nga bata sa kasamtanagng pinuy-anan ug wala na kini ginikanan busa nakahunahuna kini sa pagkutlo sa iyang kaugalingong kinabuhi pinaagi sa pagsulay og layat sa tulay sa Atugan Bridge.Â
Nasayran usab nga residente ang maong batan-ong lalaki sa Tuling, Opol, Misamis Oriental,ug nakakuha og pamasahe pinaagi sa limos dayon kini misakay og bus paingon sa dakbayan sa Malaybalay diin giingnan pa niini ang konduktor nga ihunong sa Atugan, apan nalapas kini og nakisayud sa mga personahe sa lugar mahitungod sa tulay busa naalarma kini og gisundan ang batan-ong lalaki diin malampusong naluwas kini niaadtong higayona.