Gipaubos na ang Tropical Storm Basyang ngadto sa tropical depression samtang anaa na kini sa Bohol Sea takna alas 8:00 sa buntag, Biyernes, Pebrero 6.
Tungod niini, awtomatikong ginaog ang Wind Signal No. 2 ngadto sa Signal 1.
Ang Manolo Fortich ug ang amihanang sentrong bahin sa Bukidnon—lakip ang Lantapan, Talakag, Cabanglasan, Dakbayan sa Malaybalay, Libona, Manolo Fortich, Malitbog, Impasug-Ong, Sumilao, Baungon, ug Dakbayan sa Valencia, anaa na karon sa Tropical Cyclone Wind Signal No. 1.
Matud ni Arian Johnson Caga-anan, Operations and Warning Division sa CDRRMO sa Malaybalay City, gikumpirma niini ang gipagawas nga abiso sa PAGASA ning dakbayan nga gawasnon sa Wind Signal No. 2 ang pipila ka lungsod sa Bukidnon lakip na ang dakbayan sa Malaybalay.
Gipahimangnoan gihapon ang mga residente nga magpabiling mabinantayon samtang padayon nga pag-monitor sa kasamtanagang panahon ug magsubay sa opisyal nga mga pahibalo gikan sa lokal nga pagamahanan.