Gipahimangnoan karon sa Police Regional Office X ang publiko sa posibleng pagpakatap og pekeng kwarta hilabi na sa pagsugod sa kapaskohan.
Matud ni PMaj. Joann Navarro, tigpamaba sa PRO X, nga kasagarang mosulod ang mga reklamo bahin sa fake money sa panahon nga kusog ang pinansyal nga transaksyon, lakip na ang shopping, mall sales, ug pagpamalit sa merkado sa mga adlaw nga duol na ang Pasko ug Bag-ong Tuig.
Gipasabot sa PRO X, nga dili lamang limitado sa physical cash ang modus sa mga kawatan, apan lakip usab ang online transactions nga nagkadako ang kaso sa digital scams ug fake payment confirmations.
Gihangyo sa kapulisan ang tanang negosyante, shoppers, ug vendors nga magmatngon ug kanunay nga mosusi sa security features sa kwarta sama sa watermark, security fibers, ug embossed prints.
Importante usab ang pag-verify sa online payments pinaagi sa official receipts, transaction reference numbers, ug paglikay sa cashless payments gikan sa dili kaila nga accounts.