Giisa sa Police Regional Office 10 sa heightened alert status ang seguridad nga ilang gihatag sa Northern Mindanao epektibo sulod ning semanaha.
Kini alayon sa mas nagka-grabe ka puno sa hagit nga kahimtang sa seguridad nunot sa pagsugod na sa local candidate campaigning sa mga kandidato nga nakabase sa lima ka probinsya sa rehiyon.
Miingon si PRO 10 spokesperson Major Joann Navarro nga nagkahulugan kini adunay adjustments nga gipatuman ang Kampo Alagar aron pagsiguro nga walay pagkabalda sa mga kalihukan sa mga kandidato ilabina sa ilang mga pagpangampanya sa ilang tagsa-tagsa ka hurisdiksyon.
Siya miingon nga hinoon,andam na ang puwersa nga gamiton sa PRO 10 aron paghatag seguridad kung mismo ning adlawa himoon ang piliay sa 2025 midterm polls.
Hisayrang sa Northern Mindanao, ang lungsod sa Nunungan,Lanao del Norte ang nagsilbing red category tungod sa init nga bangi sa politika sa mga kandidato diin mismo ang election officer nila ang gi-ambush patay sa miaging Enero ning tuiga.