Padayon karon ang Police Regional Office 10 kon PRO10 sa pagmonitor sa posible nga epekto sa Bagyong “Uwan” nga kasamtangan nga nagdala og mga pag-ulan ug kusog nga hangin sa pipila ka bahin sa Northern Mindanao.
Subay sa gisugdan nga Heightened Alert Status niadtong Nobyembre 8, gipahimangnoan ni PBGEN Christopher N. Abrahano, Acting Regional Director sa PRO10, nga padayon nga magpabilin ang tanang police units sa rehiyon nga andam sa tanang oras aron motabang sa disaster response ug rescue operations kung magkinahanglan.
Ang mga Quick Response Teams (QRTs) ug Search and Rescue (SAR) units nagpabilin usab nga standby aron sa dali nga pagresponde sa mga lugar nga posibleng maapektuhan sa pagbaha, landslide, o uban epekto sa maong bagyo.
Padayon usab ang koordinasyon sa mga Local Government Units (LGUs) ug sa mga ahensya sa disaster risk reduction aron masiguro ang hapsay nga pagpangandam ug kaluwasan sa mga residente.
Gipahimangnoan usab sa PRO10 ang publiko nga magpabilin nga alerto ug magmatngon, hilabi na sa mga dapit nga sagad bahaon ug landslide-prone areas, ug magsalig lamang sa opisyal nga pahibalo gikan sa PAGASA ug sa mga otoridad.
Giawhag sab ang tanan nga ipahibalo gilayon sa kapulisan o sa emergency hotlines ang bisan unsang insidente nga adunay kalabutan sa epekto sa bagyo aron dali nga matabangan.