Hugot nga gipalig-on sa Police Regional Office 10 ang nga operasyon batok sa mga iligal nga kalihukan sama smuggled nga sigarilyo ug uban pang iligal nga aktibidades sa rehiyon.
Matud ni Police Major Joann Navarro, tigpamaba sa Police Regional Office 10, ang maong lakang gi-implementar aron malikayan ang kadaot o epekto niini sa ekonomiya sa nasud.
Busa, mao kini ang nag-unang tumong sa mga kawani sa kapulisan sa pagpugong sa pagawas-sulod sa mga kontrabando nunot sa maong iligal nga mga kalihukan lakip na ang pagdumili sa pagtugot sa pagbaligya niini bisan sa ginagmay lamang nga pamaagi.
Subay sa halapad nga kampanya batok sa mga krimen ug iligalidad sa rehiyon, gibutyag usab sa opisyal nga hingpit ang tinguha sa ilang buhatan nga palapdan pa ang ilang operasyon aron pugngan ang tanang matang sa kalihukan gumikan nahimo na matud pang agianan sa mga sindikato ang Mindanao paingon sa Visayas ug uban pang lugar.