Nagpagawas og pahimangno ang Department of Labor and Employment (DOLE) sa pribadong sektor nga mahimong i-konsidera ang flexible work arrangements sama sa four-day workweek ug work-from-home aron maminusan ang epekto sa pagsaka sa presyo sa lana ug mapanalipdan ang kaayuhan sa mga empleyado.
Samtang sumala kang Alvin Curada boluntaryo ang pagpatuman niini ug magdepende sa kasabutan tali sa employer ug empleyado, ug gipasabot nga adunay pipila ka sektor nga dili dayon makapatuman niini tungod sa posibleng epekto sa operasyon ug ekonomiya.
Sa four-day workweek mahimong iusa ang 40 ka oras nga trabaho sulod sa upat ka adlaw samtang sa work-from-home setup posible magtrabaho sa balay depende sa klase sa trabaho.
Ang maong pahimangno gisundan sa pagsaka sa presyo sa lana tungod sa nagkagrabeng tensyon sa Middle East human sa hiniusang operasyong militar sa United States ug Israel batok sa Iran niadtong Pebrero 28.