Nag-atubang karon og grabeng pressure ang tulo ka mga prominenteng personalidad sa Britanya human mabutang ang ilang mga ngalan sa kapin 3 ka milyon nga dokumento gikan sa gobyerno sa Estados Unidos kalabot sa namatay nga sex offender nga si Jeffrey Epstein.
Giila ang mga nalambigit nga sila si Prince Andrew, ang iyang kanhi asawa nga si Sarah Ferguson ug ang kanhi UK Ambassador to the US nga si Peter Mandelson.
Ang maong mga file nagbutyag sa lawom nga koneksyon ni Epstein ngadto sa pamilya ug sa kasingkasing sa gobyerno sa Britanya.Tungod niini, giawhag ni Prime Minister Keir Starmer si Prince Andrew nga mutestigo sa US Congress.
Sa laing bahin, mi-resign na si Peter Mandelson sa Labour Party niadtong Domingo ug giatubang karon ang panawagan ni Starmer ug sa ubang mga lider nga muretiro na usab sa House of Lords.
Kini nga lakang gihimo sa kagamhanan aron hingpit nga mapalayo ang mga institusyon sa Britanya gikan sa kontrobersiya ni Epstein.