Gikatakdang imbestigahan sa Kamarabaha ang mga water utility companies, ilabi na ang Prime Water, human makadawat og daghang reklamo gikan sa mga konsumidor.
Nanguna si Las Piñas City Representative Mark Anthony Santos sa pagduso niini human makadawat og mga mulo mahitungod sa bati nga serbisyo sama sa hugaw nga tubig nga nagdagayday sa mga gripo. Kulang nga supply ug hinay nga presyon sa tubig.
Kulang sa proteksyon para sa mga konsumidor batok sa mga kompanya nga ginansya lang ang huna-huna.Gawas sa bati nga serbisyo, tutokan usab sa imbestigasyon ang kalit nga pagbaligya sa Prime Water ngadto sa mas dako nga kompanya.
Matod ni Rep. Santos, nahitabo ang maong transaksyon nga walay konsultasyon sa mga apektadong lungsod, local water districts ug sa mga konsumidor mismo. Saysay pa niini nga kinahanglang adunay transparency ug accountability sa maong transaksyon.
Gusto niining masiguro ang mosunod ang garantiya sa mas maayong serbisyo human sa pagbaligya ug kasiguruhan nga dili ipasa ngadto sa mga konsumidor ang gasto sa mga bag-ong investment sa kompanya.
Ang maong resolusyon ug privilege speech ni Santos giduso na sa House Committee on Good Government aron sugdan ang pormal nga hearing.