Magpagawas na og termination of Contract ang Malaybalay City Water District (MCWD) tali sa Primewater human matapos ang 90 ka adlaw nga extension nga gihatag sa kompanya.
Ang extension nahuman sa Disyembre 22, 2025 ug giisip nga panahon aron matubag ang mga reklamo sa mga residente bahin sa serbisyo niini sa syudad.Matud pa ni Engr. Nolito S. Binahon, General Manager sa MCWD, ang Primewater nakapadala og sulat nga naghatag og tubag sa mga reklamo sa mga katawhan.
Apan, gipasabot ni Binahon nga ang gihatag nga tubag sa kompanya wala nakahatag og kasulbaran sa mga isyu nga kalabot sa serbisyo niini.
Ang desisyon sa MCWD Board of Directors nga mag-terminate sa kontrata sa Primewater pagasugdan apan wala pay klarong petsa kung kanus-a kini opisyal nga ipagawas sa publiko.
Ang MCWD Board nagpangandam sa mga lakang aron matubag ang problema sa tubig sa syudad sa labing dali nga panahon.