Buot buhion sa Primewater Corporation ang joint venture agreement tali sa Malaybalay City Water District kon (MCWD).
Sa eksklusibong pakighinabi sa Bombo Radyo Malaybalay, giingon ni Ramonito N. Sagocsoc, Bise-Presidente sa Hanabana Construction and Equipment, gisaysay niini nga adunay matam-is nga pasalig ang Primewater ug buot nga dawaton pag-usab sa MCWD.
Kini ang gipadayag sa Hanabana Water Corporation, atol sa gipahigayon nga panagpulong sa Camarines Norte.
Dugang pa nga nagpadayon ang negosasyon tali sa Hanabana ug Primewater alang sa pagpaayo sa suplay sa tubig sa syudad sa Malaybalay, ilabi na sa mga barangay nga dugay nang nag-atubang og problema sa limpyo ug igong tubig.
Gihisgutan matud paang duha ka proposal para sa Malaybalay, apan wala pa kini ma-aprobahan.
Kabahin sa plano mao ang bulk water supply ug ang Level 3 water system, nga diretso na moabot sa panimalay, lakip ang mga barangay sa Patpat, Sumpong, ug Kalasungay.
Bisan pa sa wala pa’y pormal nga kasabutan sa Primewater, mipahayag ang Hanabana nga sugdan gihapon nila ang pagtukod sa water plant ug pagbutang sa mga linya sa tubo sulod sa unang quarter sa tuig, tungod kay anaa na kini pagtugot gikan sa City Council alang sa Level 3 water system.