Gidili na ang pagpasaka og presyo sa 148 ka klase sa tambal sa mga lugar nga naapektuhan ug gi-deklara nga anaa sa state of calamity hinungdan sa grabe nga pag-ulan ug pagbaha gikan sa duha ka bagyo ug habagat.
Sumala sa Department of Health (DOH), ang price freeze sa nagpugong sa pagtaas sa presyo sa mga tambal magpabilin sulod sa 60 ka adlaw sugod sa pagdeklara sa state of calamity, gawas kun bawion kini sa presidente sa mas sayo nga petsa.
Lakip sa mga tambal nga sakop sa price freeze mao ang anesthetics, analgesics, mga tambal para sa hubak, anticoagulants, anticonvulsants, mga tambal para sa diabetes, antidiarrheals, antidotes, antiemetics, antihistamines, antihypertensives, antimicrobials, ug tambal para sa Parkinson’s disease.
Para sa kompleto nga listahan sa mga tambal nga naapil sa price freeze, pwede bisitahan ang website o ang official page sa social media sa DOH aron magpabiling updated alang sa dugang kasayuran.
Kung adunay masinati nga sobra nga presyo sa mga tambal, gi-awhag ang publiko nga mag-report dayon pinaagi sa DOH hotline nga (02) 8651-7800 o sa DTI Hotline: 1-384 aron mahatagasd ug maaksyunan ang wala nagtuman sa polisiya sa goberno.