Presyo sa produktong petrolyo laumang mokunhod sunod semana -DOE

Laumang ang pagkunhod sa presyo sa mga produktong petrolyo sa mosunod nga semana.

Sumala sa taho sa Department of Energy (DOE), posibleng moubos og P0.10 hangtod P0.30 ang presyo sa matag litro sa diesel.

Samtang ang gasolina magpabiling walay kausaban o moubos og hangtod P0.20 sa matag litro.

Aduna usab pagkunhod sa presyo sa kerosene nga P0.20 sa matag litro. Matud sa DOE, ang hinungdan sa pagkunhod sa presyo sa produkto sa lana mao ang pagbaligya sa 50 milyones ka baril sa lana gikan sa Venezuela nga magresulta og oversupply.