Presyo sa LPG posibleng mosaka sa  P1,500 matag tangke sa bulan sa  Abril

Posibleng mosaka hangtod P1,500 ang presyo sa matag 11-kilogram nga tangke sa liquefied petroleum gas (LPG) karong umaabot nga bulan sa Abril. 

Sumala sa pasidaan sa LPG Marketers Association (LPGMA) tungod kini sa pagsaka sa shipping cost nga naapektuhan sa limitadong access sa Strait of Hormuz.

Dugang pa, gimandoan sa Department of Energy (DOE) ang mga pribadong sektor nga magpadayon sa pagpalit og LPG bisan unsa pa ang presyo aron masiguro ang suplay.

Samtang una nang gipahibalo sa DOE sa Senado nga ang reserba sa LPG sa nasud igo na lamang molungtad og hangtod 25 ka adlaw.