Misaka ang presyo sa lana human gihimakak sa Iran ang mga pamahayag nga adunay nagpadayon nga negosasyon sa Estados Unidos, nga nakapukaw sa kabalaka sa mga kamerkado kabahin sa posibleng pagtaas sa tensyon sa Middle East.
Tungod niini, misaka ang Brent crude ngadto sa dul-an $101 matag bariles samtang ang West Texas Intermediate miabot sa $89 hangtod $90 matag bariles, samtang gilaoman ang posibleng risgo sa suplay sa lana sa global market.
Matud sa mga analista, ang pagtaas sa presyo nagpakita sa balik nga “war risk premium” sa merkado sa lana tungod sa kawala’y kasiguroan sa kalinaw tali sa Washington ug Tehran.
Nagpadayon usab ang kabalaka sa posibleng epekto sa mga kritikal nga ruta sa suplay sama sa Strait of Hormuz, nga usa sa labing importante nga agianan sa global oil trade.