Presyo sa gasolina ug diesel, posibleng mosaka sa P100-P130 matag litro sa sunod semana

Posibleng moabot sa kapin P130 matag litro ang presyo sa diesel ug kapin sa P100 matag litro usab sa gasolina sa Pilipinas sa sunod semana. 

Gipaabot ang dugang nga P14 hangtod P14.50 matag litro sa diesel, hinungdan nga magdula ang presyo niini duol sa P130/L.

Samtang sa gasolina, gipaabot nga mosaka kini og P7.00 hangtod P7.50 matag litro, nga mahimong presyo  niini lapas sa P100/L.

Gipaabot usab nga mosaka og dako ang presyo sa kerosene (gas).

Ang nagpadayon nga kagubot sa Middle East mao ang hinungdan sa supply disruption  sa tibuok kalibutan.

Nagpahimangno usab ang Department of Energy (DOE) nga mahimong magpadayon ang pag-usab-usab sa presyo sa lana tungod sa kawalay kasegurohan sa suplay.