Presidente sa Iran, gitawag nga ‘katalawan’ ang pagpatay sa Israel sa ilang duha ka opisyal

Gikondenar ni Iranian President Masoud Pezeshkian ang gihimong pag-atake sa Israel nga miresulta sa kamatayon sa duha ka taas nga opisyal sa security chief sa Iran didto sa Syria.

Gitawag ni Pezeshkian nga usa ka timailhan sa “katalawan” ang maong lakang sa Israel. Matud niya, napakyas ang Israel sa ilang mga operasyon sa Gaza ug Lebanon hinungdan nga miagi sila sa pagpangatake sa mga opisyal sa laing nasud.

Nanaad ang pangulo sa Iran nga dili palubaron ang maong hitabo ug siguradong adunay saktong balos nga kapaabutan ang Israel tungod sa paglapas niini sa soberanya sa ilang nasud.