Gihatagan og katin-awan karon sa 4th Infantry Division Philippine Army ang nagkaylap nga mga hulagway sa social media kabahin sa mga langyaw nga sundalo nga anaa sa syudad sa Cagayan de Oro.
Matud ni 4th Infantry Division Philippine Army Commander Major General Michele Anayron Jr., kini advance party alang sa final coordinating conference sa pag-execute sa mga scenario alang sa Balikatan Exercises kauban ang US forces sa kanhi Lumbia Airport, Cagayan de Oro.
Gipasabot usab sa militar nga wala’y kalabotan sa tensyon sa Middle East ang presensya sa US forces o ang nahisgutang mga aktibidad, tungod regular lamang kini nga joint military exercise tali sa Pilipinas ug Estados Unidos.
Gi-awhag usab sa opisyal ang publiko nga likayan ang pagpakatag sa dili beripikadong impormasyon nga mahimong makapabalaka a katawhan.