Pres Marcos nagmando og paspas nga paghatud sa binhi ug abono ngadto sa mga mag-uuma

Nagmando si Presidente Ferdinand Marcos Jr. sa pag-usab sa sistema sa agrikultura aron masiguro nga ang mga binhi, abono, ug uban pang kinahanglanon sa uma maabot sa mga mag-uuma sa dili pa magsugod ang ting-tanom.

Giawhag sa Presidente ang “sayo nga pagpalit” (early procurement) ug ang pag-apud-apod sa produksyon sa semilya sa matag lokalidad aron malikayan ang kalangan nga sagad masinati sa karaan ug sentralisadong sistema. Tumong niini nga mapalig-on ang produksyon sa pagkaon ug matabangan ang mga mag-uuma nga dili mabiyaan sa panahon sa pananom.