Gisiguro ni Presidente Ferdinand R. Marcos Jr. atol sa ika-70 Sesyon sa Commission on the Status of Women sa United Nations sa New York, nga andam ang Pilipinas sa pakigtambayayong sa tanan nga nasud aron palig-onon, protektahan, ug palambuon ang kahimtang sa kababayen-an.
Gipasabot sa Presidente, nga ang tinuod nga kalamboan sa nasud sukdon pinaagi sa kahimtang sa kababayen-an, dili lamang sa ekonomiya o teknolohiya.
Giila sa usab niini, ang mahinungdanong papel sa kababayen-an sa gobyerno, negosyo, siyensya, diplomasya, ug kalinaw, ug gikinahanglan matud pa ang partisipasyon sa tanang mahitungdang desisyon.
Gibutang niini, nga ang edukasyon usa sentro isip pundasyon sa empowerment sa kababayen-an ug sa pagpalambo sa komunidad ug nasud.
Gihisgutan usab ni Presidente Marcos Jr., ang ekonomikanhong oportunidad, lakip ang patas nga trabaho, serbisyo pinansyal, ug liderato, aron mapalig-on ang kontribusyon sa kababayen-an sa katilingban.
Dugang pa, nga kinahanglan ang legal ug polisiya nga reporma, ug sa pagbag-o sa kultura aron matubag ang diskriminasyon ug kapintas batok sa kababayen-an.
Gisiguro usab niini, nga andam ang Pilipinas sa kolaborasyon sa ubang nasud aron mapalambo ang proteksyon ug empowerment sa kababayen-an.