Gipadayg ni Presidente Ferdinand “Bongbong” Marcos Jr. ang pagpatuman sa upat ka adlaw nga ting-trabaho kada semana sa pipila ka mga opisina ubos sa Executive Department sugod karong Lunes, Marso 9, 2026.
Sumala sa Presidente, dili lakip niini nga kamanduan ang mga ahensya nga naghatag og emergency ug frontline services sama sa kapulisan, mga bombero, ug uban pang nag-unang serbisyo publiko.
Gimandoan usab niini ang mga ahensya nga magdaginot ug pakunhoran og 10% hangtod 20% ang konsumo sa kuryente ug petrolyo.
Temporaryo usab nga idili ang mga biyahe ug kalihukan sa gobyerno nga dili kinahanglanon sama sa mga study tour, team-building activities, ug mga meeting nga mahimo ra nga ipahigayon online.
Kabahin kini sa pagpangandam sa gobyerno sa posibleng epekto sa kagubot sa Middle East ngadto sa nasod.