Gipanguluhan ni President Ferdinand Marcos Jr. ang pag-abli sa unang adlaw sa pagbalik eskwela 2025.
Buot sa presidente nga makamugna og daghang mahinungdanong kalihokan niining semanaha nga nagpakita sa tinguha sa administrasyon nga palapdan ang inklusibong kalambuan ug mas mapaayo ang serbisyo publiko sa nasud.
Personal nga gi-inspeksyon ug gilantaw ni Marcos ang mga gipatukod nga mga tunghaan ug pipila ka mga aktibidad aron masiguro ang kalidad niini.
Dugang pa, labing mahinungdanong inisyatiba matud pa nga gipahigayon sa administrasyon ang pagpabakod sa sektor sa edukasyon pinaagi sa pagtukod og imprastruktura ug digital nga mga proyekto alang sa mas epektibo, luwas ug komportable nga tulunghaan.
Naghimo usab matud pa kini og mga bag-ong appointment sa mga importante nga institusyon aron mas mapalig-on ang liderato sa nasud.
Gumikan niini, mapasalamaton ang mga magtutudlo ug pipila ka mga empleyado sa pagbisita niini sa mga eskwelahan ug pagpasiugda og mga aktibidad nga makatabang sa kabataan ug sa mismong tunghaan.
Kabahin niini, gipasiugda usab sa presidente ang paspas nga aksyon sa mga isyu sa enerhiya ug transportasyon, mga sektor nga dako og papel sa adlaw-adlaw nga panginahanglanon sa kadaghanan.
Samtang, sa internasyonal nga lebel, gisiguro matud pa niini nga lig-on ang mga alyansa sa ubang mga nasud pinaagi sa diplomatikong mga panagtagbo.
Kahinumduman usab nga gitapos niini ang semana pinaagi sa pagdumala sa pagselebrar sa ika-127th Independence Day, pagpasidungog sa kasaysayan, kusog, ug panaghiusa sa tanang Pilipino alang sa mas lig-on nga Bag-ong Pilipinas.