Gianunsyo sa mga organizer sa US Open ang premyo nga salapi alang sa mga mananaog.
Matud sa mga tournament organizers, ang mga mananaog sa men’s ug women’s singles championships makadawat og $5 million matag usa.
Ang kantidad mao ang 39 porsyento nga mas taas tandi sa miaging tuig nga $3.6 milyon.
Ang kinatibuk-ang premyo nga salapi nagkanidad sa $90 milyon, diin mao ang pinakadako sa kasaysayan sa tennis.
Sa matag hugna, ang mga magdudula nga makaabante sa quarterfinals makadawat og $660,000 nga premyo, samtang ang semifinalists makadawat sa kantidad nga $1.26 milyon ug ang mga finalist makadawat og $2.5 milyon.
Kini adunay 20 porsyento nga pagtaas gikan sa miaging tuig nga $75 milyon.
Ang matag magdudula makadawat og $1,000 nga travel stipend ug duha ka hotel rooms sa official player hotel.
Magsugod ang US Open gikan sa Agosto 18 hangtod sa Septiyembre 7.