Nagpatuman ang Pre-Trial Chamber I sa International Criminal Court kon (ICC) og pipila ka mahinungdanong mga lagda ug patakaran nga may kalabotan sa kasong crimes against humanity batok sa kanhi Pangulong Rodrigo Duterte, isip kabahin sa preparasyon sa umaabot nga preliminary hearing sa Setyembre 2025.
Sukad pa niadtong Enero 2023, gitugotan na sa ICC Prosecutor nga ipadayon ang imbestigasyon human masuta nga walay igo nga lokal nga aksyon ang goberno sa Pilipinas aron tugkaron ang maong mga krimen.
Gikumpirma kini ni Atty. Michael Tiu Jr., assistant professor sa University of the Philippines Law nga pagasugdan sa maong petsa nag hearing, lakip na ang mga possibleng kalihukan sanglit sugdan na ang pagdungog sa kaso sa kanhi pangulo sa gawas sa nasud ug ang kmpirmasyon sa mga reklamo batok niini.
Isip kabahin sa preparasyon, nagpagula ang korte og mando niadtong Abril 2025 aron hapsay nga mahilakip ang mga biktima sa proseso aron maprotektahan ang ilang katungod.
Gipasang-atan usab ang extension sa deadline sa pagsumite sa mga ebidensya ug gitugotan nga dili isibya ang tinuod nga identidad sa pipila ka testigo alang sa ilang hingpit nga seguridad.
Dugang pa niini, gitubag usab sa korte ang mosyon sa kampo ni Duterte nga mo-question sa hurisdiksyon sa ICC, ug gitahasan ang opisina sa Prosecutor ug mga representante sa mga biktima nga mosumite og legal nga tubag.
Ang tanang lagda nga ipinatuman gitumong aron masiguro ang patas, hapsay, ug luwas nga proseso sa pag-atubang sa seryoso nga mga pasangil batok sa kanhi presidente.