Nagkahiusa ang mga kadagkoan sa probinsya sa Bukidnon, lakip na si Senator Juan Miguel “Migz” Zubiri, ang Gobernador sa probinsya nga Si Rogelio Neil P. Roque. ug ang mga representante sa nagkalain-laing Local Government Units (LGUs) sa usa ka importante nga panagtigom aron hisgutan ang nagkataas nga poverty incidence sa rehiyon.
Sa pakighinabi sa Bombo Radyo Malaybalay, kang Atty. Arbie Saway Llesis, Board Member ug Provincial IPMR, nagpadayag kini og kabalaka datos gikan sa maong summit niadtong milabyng semana. Sumala sa report, ang Bukidnon adunay 27% nga poverty incidence.
Pasabot niini, sa gibana-banaang 1.5 milyon nga populasyon sa probinsya, moabot sa kapin 408,000 ka mga indibidwal ang nagpuyo sa tumang kalisod.
Gikumpirma usab ni Atty. Llesis nga sa maong gidaghanon, 80% o gibana-banaang 324,000 ang mga sakop sa Indigenous Peoples (IPs) o mga Lumad.
Tungod niini, nanawagan siya og mas seryoso nga pagtagad ug dinaliang aksyon gikan sa gobyerno aron mahatagan og tabang ang mga IP nga maoy labing apektado sa kapobrehon sa tibuok probinsya.