Posible nakagawas na sa nasod si Atong Ang – Whistleblower

Nagtuo ang whistleblower sa kaso sa mga missing nga sabungero nga si Julie “Dondon” Patidongan nga nakagawas na sa Pilipinas si negosyanteng si Atong Ang, nga aduna nay warrant of arrest tungod sa kasong kidnapping with homicide.

Matod ni Patidongan, dili basta-basta mosurender si Ang ug posible pa nga nakagawas sa nasod niadtong Disyembre, tungod kay duna kiniy “international” nga koneksyon.

Bisan pa niini, miingon ang DOJ nga base sa ilang rekord, anaa pa sa Pilipinas si Ang, nga posible nagatago sa usa sa iyang mga balay o exclusive subdivision.

Sa pagkakaron, aduna nay P10 milyones nga reward alang sa impormasyon nga moresulta sa iyang pagkasikop, samtang gipasalig sa Malacañang nga walay special treatment alang kaniya.