Isip pagpangandam sa posibleng dautang panghitabo sa umaabot nga Undas mag deploy ang Malaybalay City Police Station ug mga police sa nagkadaiyang public cemetery sa syudad sa Malaybalay.
Sa eksklusibong pakighinabi sa Bombo Radyo Malaybalay kay PMSG Ken Hanzel Bughaw, tigpamaba sa Malaybalay City Police Station nga mag-deploy ang kapulisan og mga personnel aron magbantay ug magmonitor sa kahapsay ug kalinaw sa mga pampublikong sementeryo ilabi na sa panahon nga mudagsa ang katawhan.
Dugang pa niini hugot nga gidili ang pagdala og mga hait nga hinagiban ug ilimnong makahubog sulod sa mga sementeryo aron malikayan ang posibling kagubot.
Gisiguro sa kapulisan nga padayon ang ilang koordinasyon sa mga barangay aron masiguro ang luwas ug malinawong pagsaulog sa Undas sa tibuok dakbayan.