Gibutyag sa tigpamaba sa Police Provincial Office sa Bukidnon nga si PMaj. Jayvee Babaan Police nga wala pa silay namonitor nga politiko nga dunay pribado nga armed group.
Samtang gipahinumdoman ni Babaan nga ginadili mamahimong private escort ang kapulisan sa bisan kinsa nga politiko. Apan, mamahimong murequest og security atol sa pagpangampanya.
Ning kasamtangan, dunay marching order nga nagatutok sa kapulisan lakip na niini ang mga police operations ug ubay-ubay nga mga checkpoints alang sa pagsiguro sa kaluwasan ug proteksiyon sa publiko.Samtang sa pikas bahin, subling nagpahimangno ang kapulisan ngadto sa kauban nila sa serbisyo nga di mudawat og kwarta o “moonlighting” nga way permiso gikan sa ilang labaw aron malikayan ang bisan unsang matang sa isyu ang han-ay sa Philippine National Police.