Gipangandaman sa Bukidnon Police Provincial Office (BukPPO) ang hugot nga pagpatuman sa Oplan Undas 2025 aron masiguro ang kahapsay ug seguridad sa pagsaulog sa undas kon kalag-kalag sa tibuok lalawigan.
Sa eksklusibong pakighinabi sa Bombo Radyo Malaybalay kang Police Major Jayvee Babaan, tigpamaba sa BUKPPO, nga nakadesignate na ang mga personahe sa kapulisan sa matag lungsod ug dakbayan sa Bukidnon.
Lakip sa pagpangandam mao ang traffic assistance, checkpoints, Police Assistance Desks, ug intensified police visibility sa mga places of convergence sama sa mga sementeryo, simbahan, terminal, park, ug merkado.
Gisiguro ni PMaj. Babaan, nga anaa ang presensya sa kapulisan sa tanang lugar lakip na sa kadalanan alang sa Oplan Undas sugod Oktubre 29 hangtod Nobyembre 3, 2025.
Gihangyo usab sa mga otoridad, ang publiko nga magpabiling mag-igmat, magbantay sa personal nga mga gamit, ug motuman sa mga lagda sa kapulisan aron malikayan ang insidente ug masiguro ang malinawon, hapsay, ug luwas nga pagsaulog sa Undas.