Dool na mahuman ang pag-apod-apod sa mga motorcycle plates sa dakbayan sa Valencia ug sa uban pang lungsod sa Bukidnon.
Kini ang gibutyag ni Mohammad M. Mangandam, OIC District Head sa LTO Valencia City nga nagmalampuson ang ilang distribution ug halos tanang motorsiklo sa ilang hurisdiction nahatagan na sa maong mga plaka.Gawas sa distribusyon, gihugtan usab sa LTO ang pagpatuman sa Republic Act 4136 o ang Land Transportation and Traffic Code.
Saysay pa niini nga gidili ang mag drive sa dakbayan nga walay sul-ob nga helmet.Lakip na ang pagmaneho nga walay lisensya nga adunay multa nga tulo ka libo ka pesos ug madugangan pa kini og suspension diin dili makalukat og lisensya ang drayber sulod sa usa ka tuig o 365 ka adlaw.
Tungod niini, giawhag niin ang mga motorista nga mokuha og student permit ug mopaubos sa driving school una mo-apply og Non-Professional license.
Bisan og nagkamenos na ang mga nadakpan nga walay rehistro, giangkon ni Mangandam nga ang mga motorsiklo gihapon ang sagad nga madakpan sa ilang mga operasyon.