Piso, posibling mokunhod ang bili kontra sa dollar

Gilauman nga mas mokunhod pa ang bili sa piso sa Pilipinas batok sa US dollar ug posibleng makarekord og pag-ubos sa mosunod nga mga adlaw.

Matud sa pinakabag-o nga report, mahimong muabot ang kantidad sa piso tali sa 59.30 hangtod 59.70 kada dolyar sa sunod semana.

Giila nga nag-unang rason niini ang nagkagrabe nga mga korapsyon sa nasud, nga giisip dakong babag sa ekonomiya lakip na ang tensyon sa geopolitika sa gawas sa nasud.

Tungod sa hinay nga pagtubo sa ekonomiya, gilauman usab nga ipadayon sa Bangko Sentral ng Pilipinas (BSP) ang pagpakunhod sa interest rates, butang nga makapawala sa gana sa mga foreign investors sa pagbubo og puhunan sa nasud.

Gidugangan pa kini sa tension sa Iran nga nakapasaka sa presyo sa lana sa tibuok kalibutan.