Gibutyag ni Senador Francis “Kiko” Pangilinan nga adunay kini lig-on nga ebidensiya nga magpamatuod nga gisalmutan sa Chinese syndicate ug pipila ka opisyal ug negosyante nga nalambigit sa agri smuggling sa nasud sa Pilipinas.
Matud ni Pangilinan, klaro ang nakuhang impormasyon nga adunay organisadong grupo nga nagadumala sa pagpasulod sa mga kontrabandong produkto sa agrikultura, sama sa bugas, sibuyas, ug karne, uban sa tabang o pagpanalipod sa pipila ka lokal nga opisyal ug negosyante.
Kabahin niini, gipangayo sa senador ang mas hugot nga imbestigasyon ug hingpit nga ipapanubag ang mga nalambigit aron mapugngan ang padayong pag-usbaw sa agri smuggling nga nagadaot sa mga lokal nga mag-uuma ug negosyante sa nasud.
Gumikan nakita niini nga hangtud karon wala pa gihapon bisa isa ang napasakaan og kaso ug wala mahatagan og patagad ang hustisya.