Nakasinati og gagmayng balatian sama sa sip-on ug ubo ang pipila ka mga atleta sa NMRAA 2026 tungod sa kalit nga pagbag-o sa klima sa Bukidnon.
Sa pakighinabi sa Bombo Radyo Malaybalay kay Reyno C. Sevilla, Tournament Director sa Athletics sa Division of Bukidnon. gipahibalo niini nga ang intensive training gihimo sa sports complex sa Kibawe, ug ang layo sa billeting quarters ug kalit nga klima nakaapekto sa adjustment sa mga atleta.
Bisan pa, wala’y major injuries nga na-encounter ug gihimo ang tanang lakang aron mapadayon ang preparasyon ug performance sa regional meet.
Gipahipabalo usab ni Sevilla nga gamay ra ang problema sa supply sa tubig, diin hinay ang agas niini para sa pagligo sa mga atleta, apan ang inumang tubig gipangsiguro nga purified o distilled aron malikayan ang dehydration.
Gipaniguro sa Division of Bukidnon nga ang pagkaon, tubig, ug training environment hapsay ug luwas aron ang mga atleta makapakita sa ilang labing maayo nga performance sa NMRAA 2026 karong Marso 18–24, 2026.