Pipila ka menor de edad ang nasakpan sa Task Force Bora samtang naglaag-laag gamit ang mga motorsiklo nga adunay illegal nga bora-bora o saba nga mga trambutso sa Capitol Grounds, Malaybalay City niadtong milabayng gabii sa miaging operasyon.
Matod ni Traffic Operations Officer II Lymric Oro, ang joint operation nga gipahigayon sa Malaybalay City Police Station, LTO, ug Traffic Management Center nagtumong sa pagpatuman sa road safety ug trapiko nga balaod, diin daghang motorsiklo ang gi-impound tungod sa saba nga tambutso, walay lisensya, walay helmet, ug walay rehistro. Tulo sa mga nadakpan kay mga kabatan-onan.
Gipahibalo ni Oro nga aron makuha pag-usab ang motorsiklo, kinahanglan i-update ang rehistro, ipakita ang lisensyado nga driver, ug bayaran ang multa. Nagpadayon ang operasyon sa lain-laing lugar sa siyudad aron mapugngan ang uban pang paglapas sa trapiko.