Nagmadaogon ang Filipina tennis sensation nga si Alex Eala batok sa world No. 4 nga si Coco Gauff sa BNP Paribas Open karong adlawa, Marso 9, 2026, sa Indian Wells Tennis Garden, Indian Wells, California, USA.
Sa unang set pa lamang, nagpakita og kahanas si Eala ug napildi niini ang Amerikanang kontra sa iskor nga 6–2.
Sa pagsugod sa ikaduhang set, nakakuha pa kini og 2–0 nga labaw apan napugos si Gauff sa pag-undang sa dula tungod sa injury sa wala nga bukton, hinungdan nga nasakmit ni Eala ang kadaogan pinaagi sa retirement ni Gauff.
Tungod sa kadaogan, misaka si Eala sa Round of 16 sa prestihiyosong torneyo ug posibleng makadawat og kapin kon kulang $105,000 kon gibanabanang P5.8 milyon nga premyo, lakip na ang importante nga ranking points sa professional women’s tennis.