Namatay ang usa ka Filipina caregiver sa Israel samtang nagtabang sa iyang alaga nga makasulod sa usa ka bomb shelter, sumala kana sa kumpirmasyon ni Presidente Ferdinand Marcos Jr. niadtong Domingo, Marso 1.
Sa usa ka video message sa Pangulo sa iyang social media account, gibutyag niini nga ang biktima giila nga si Mary Ann Velasquez De Vera, taga-Pangasinan, namatay human maigo sa shrapnel gikan sa nangahulog nga mga drone sa Iran.
Gawas kang Mary Ann, namatay usab ang iyang employer sa maong airstrike.
Dugang sa Pangulo, gikumpirma sa bana sa biktima nga usa usab ka OFW sa Israel ang maong insidente.
Gisaad sa gobyerno nga ihatag ang tanang gikinahanglang tabang sa pamilya sa namatay nga caregiver.
Alang sa tabang, mahimong mokontak ang mga Pilipino sa Overseas Workers Welfare Administration (OWWA) sa numerong (+632) 1348 (international), 1348 (Metro Manila), ug (02) 1348 (regional/mobile).
Gikumpirma usab kini ni Foreign Ministry Spokesperson Oren Marmorstein sa Israel sa usa ka televised interview, diin ang Pinay nga caregiver namatay human sa pag-atake sa Iran batok sa Israel, kagahapon adlawn’ng Domingo, Marso 1, 2026.Â
Kahinumduman nga ang insidente nahitabo human sa joint military operations sa United States ug Israel batok sa Iran niadtong Sabado, nga nakapagrabe sa tensiyon sa rehiyon.
Sumala sa militar sa Israel, milunsad og missile strikes ang Iran isip tubag sa ilang mga operasyon.