Usa ka Italyanong mekaniko ang mikurat ug nagpahibulong sa kalibutan human makamugna og pinakapiot nga kotse gikan sa daan nga Fiat Panda.
Luyo sa maong kahibulungan mao si Andrea Marazzi, usa ka bata nga mekaniko ug YouTuber, diin naggahin og 1 ka tuig sa pagama sa maong sakyanan aron himuon kining “Ultra-thin” ang usa ka 1993 Fiat Panda.
Ang sakyanan adunay gilapdon nga 50 ka sentimetro nga igo lang sa drayber ug aduna usab kini usa kamang ka suga. Gikalingawan kini online og nabantog sa tawag nga “Flat Fiat” inay nga Fiat Panda.
Matud pa halos orihinal nga piyesa sa Fiat Panda ang gigamit niini sa pagkumpuni sa bag-ong hulagway sa maong sakyananan.
Gipangputol ug gipang-welding ni Marazzi ang daang sakyananan pinaagi sa usa ka mahinungdanong pagkubi-kubi aron makab-ot ang tukmang kagamyon ug kanipis nga buot niyang mahitabo.
Tungod sa kasikat sa iyang proyekto, plano karon ni Marazzi nga mag-apply sa Guinness World Records aron mahatagan kini og titulo nga “narrowest car.”