Gituohan nga posibleng naa sa Portugal si kanhi Congressman ug Appropriations Committee Chairman Zaldy Co, sumala sa Department of Interior and Local Government (DILG).
Si Co giingong wala magpakita sukad sa Nobyembre human siya magpagawas og serye sa mga video bahin sa anomalya sa flood control projects.
Aduna na usab siya’y warrant of arrest gikan sa Sandiganbayan alang sa kaso sa graft ug malversation sa Oriental Mindoro flood control projects.
Sumala ni Secretary Jonvic Remulla, giingon nga gisugo ni Pangulo Ferdinand “Bongbong” Marcos Jr. nga pagasusihon ang paagi aron mabalik si Co sa Pilipinas sa labing dali nga panahon.
Usa sa posibleng paagi mao ang paggamit sa Interpol para sa repatriation, apan giingon usab nga tan-awon ang uban pang international agencies kay wala’y extradition treaty ang Pilipinas ug Portugal, nga kasagarang gigamit aron imando ang pagsurrender sa usa ka fugitive.
Gipasabot ni Remulla nga wala’y extradition treaty ang Pilipinas ug Portugal, ug kon maghimo pa og pormal nga kasabutan, magkinahanglan kini og daghang katuigan.
Gipahimangnoan usab sa Sandiganbayan 5th Division nga gi-dismiss ang motion for reconsideration ni Co sa desisyon nga nagdeklarar kaniya nga fugitive ug pagkansela sa iyang pasaporte.