Pagapanguluhan sa Pilipinas ang Association of Southeast Asian Nations (ASEAN), human pormal nga gidawat ni Presidente Ferdinand Marcos Jr., ang chairship sa dihang natapos naang termino sa Malaysia.
Sa pagbalik niini sa Pilipinas gikan mitambong sa 47th ASEAN Summit sa Kuala Lampur, nagpasalig ang Presidente nga ipadayon sa nasud ang adbokasiya sa ASEAN alang sa pagkahiusa, pakig-uyon ug pagpabilin sa lig-on nga pagdumala paingon sa epektibong pagsagubang sa mga hagit sa rehiyon.
Nakipulong usab kini sa nagkalain-laing mga lider sa ubang nasud aron palapdan ug himuong makusganon pa ang kooperasyon sa natad sa estratihuya sa pagpalambo sa nasud.
Gidayeg niini ang Malaysia sa malampusong pagpahigayon sa 47th ASEAN Summit.
Dugang pa, gipasabot niini nga magpabilin ang nasud sa matinahuron apan lig-on nga baruganan sa isyu sa West Philippine Sea, diin iyang giingon nga dili pasipad-an sa Pilipinas ang pagpanalipod alang sa atong katungod ug soberanya.