Opisyal nang mibalik sa international rice market ang Pilipinas human sa upat ka bulan nga pagdili sa pag-import og bugas nga nagsugod niadtong Septyembre 2025.
Bisan pa niini, nagpabilin sa 15% ang taripa nga gi-apply sa imported nga bugas. Kinahanglan pa ang pormal nga implementasyon sa mas taas nga taripa nga 20%.
Sumala sa guidelines nga gi-isyu sa Bureau of Plant Industry (BPI) alang sa pagpadayon sa pag-import sa bugas, gitugotan lamang nga makasulod ang bugas pinaagi sa 17 ka pantalan sa tibuok nasod.
Lakip niini ang Subic, Batangas, Manila International Container Port, Port of Manila, Cebu, Cagayan de Oro, Iligan, Davao, General Santos, Tacloban, Tabaco sa Albay, Zamboanga, Bacolod, Iloilo, Tagbilaran, Dumaguete ug Calbayog.
Dapat makasulod ang bugas sa Pilipinas sulod sa 60 ka adlaw gikan sa pag-isyu sa ilang sanitary ug phytosanitary import clearance.