Gibutyag ni ADG (Assistant Director General) Cornelio Valencia Jr. ang natigayung pagbomba og water cannon sa China Coast Guard (CCG) ang usa ka barko ug unya gisunod og bangga ang usa ka sakayan sa Philippine Coast Guard (PCG) sulod mismo sa kadagatan sa Pag-asa Island niadtong Domingo sa buntag.
Sumala ni Valencia, nahitabo ang insidente samtang anaa sa katubigan sa Pag-asa Island ang tulo ka barko sa Bureau of Fisheries and Aquatic Resources (BFAR), lakip na ang BRP Datu Pagbuaya.
Anaa sila sa maong lugar aron protektahan ang mga Pilipino nga mangisda isip kabahin sa programa nga “Kadiwa alangsa Bagong Bayaning Mangingisda” (KBBM).
Giatubang sa mga barko sa BFAR ang agresibong lihok sa mga sakayan sa China Coast Guard ug Chinese Maritime Militia.
Taknang alas-8:15 sa buntag, miduol og peligroso ang mga barko sa China ug gisabligan og water cannon ang mga barko sa BFAR diin usa ka klarong hulga sa seguridad.
Mas migrabi pa ang tensiyon taknang alas-9:15 sa buntag, sa dihang direkta nang gisabligan og water cannon sa barko sa CCG nga adunay bow number 21559 ang BRP Datu Pagbuaya, hinungdan nga naigo kini.
Human sa tulo ka minuto, gitu-yuan gyud nga gibangga sa parehas nga barko sa CCG ang likod nga bahin sa Datu Pagbuaya.
Nakuhanan kini og video, diin makita ang banggaan nga nakadaot sa estruktura sa barko, apan wala’y nasamdan sa mga tripulante.
Matod sa China Coast Guard, ang Pilipinas maoy ilegal nga misulod sa katubigan nga ilang ginaangkon.
Dugang pa sa China nga wala mihatag og pagtagad ang Pilipinas ang ilang balik-balik nga pahimangno, ug ilang gihulagway nga legal ang ilang gibuhat base sa ilang balaod.
Apan gikondena sa Philippine Coast Guard (PCG) ug sa National Security Council ang agresibo nga aksyon sa China, ilabi na taliwala sa padayong panaglalis sa teritoryo sa West Philippine Sea.