Napili ang Pilipinas nga mahimong host sa kauna-unahang Southeast Asian Plus Youth Games (SEA Plus YG) sa 2028. Ang torneo gitumong isip preparasyon sa mga atleta nga 17 anyos paubos alang sa Asian Youth Games ug Youth Olympic Games (YOG).
Gipasiugdahan kini ni Philippine Olympic Committee (POC) President Abraham “Bambol” Tolentino, nga siya usab ang founding president sa kalihokan. Nasuportahan si Tolentino sa siyam ka National Olympic Committee (NOC) presidents gikan sa Thailand, Indonesia, Malaysia, Laos, Cambodia, Myanmar, Vietnam, ug Timor Leste.
Gisiguro usab sa Olympic Council of Asia (OCA) ang ilang tabang aron magmalampuson ang torneo. Sumala pa ni Tolentino, ang SEA Plus Youth Games tubag sa Southeast Asia sa paghulma ug pagpalambo sa mga batan-ong atleta. Human sa 2028, planong ipahigayon ang SEA Plus Youth Games matag duha ka tuig.