Pilipinas mihakot og medalya sa ASEAN Para Games

Natala sa Pilipinas ang pinakadaghang medalya nga ilang nahakot sa bag-ong nahuman nga 13th ASEAN Para Games.

Mukabat sa 45 ka gold medals, 37 ka silver, ug 52 ka bronze medals ang nasakmit sa delegasyon sa Pilipinas sa torneyo nga gihimo sa Nakhon Ratchasima, Thailand.

Nalampasan niini ang nahimong rekord sa nasod niadtong 2023 sa Cambodia, diin nakakuha sila og 34 ka gold, 33 ka silver, ug 50 ka bronze medals.

Sumala ni Chief of Mission Goody Custodio, tungod sa kahanas ug kakugi sa mga atleta nga miapil sa torneyo mao nga nakaangkon ang nasod og ingon kadaghan nga medalya.

Sa maong torneyo, nagkampeon ang Thailand human sa 11 ka tuig, diin nakakuha sila og 135 ka gold, 144 ka silver, ug 114 ka bronze medals.