Aksidenteng nadumbolan sa usa ka pick-up ang usa ka babaye nga nagbaklay hinunghdan nga nahulog ang maong sakyanan sa pangpang sa National Road, Sitio Nabunturan, Barangay Kalabanan, San Fernando, Bukidnon.
Ang biktima gidala sa balay tambalanan alang sa pagpa alim sa mga samad nga nakuha sa insidente samtang wala naka angkon ug samad ang drayber sa maong sakyanan.
Base sa imbestigasyon, ang pick-up naggikan sa Valencia City padulong sa Tagum City, Davao del Norte. Pag abot sa kurbada ug tungason nga bahin sa dalan niliko kini sa tuo tungod sa kadanlog sa kalsada, hinungdan nga nadumbolan ang naglakaw nga babaye ug nahulog sa pangpang nga adunay giladmon nga 15 ka metros.
Human sa insidente, nagkauyon sa amicable settlement ang duha ka partido nahitabo ang insidente pasado alas-12 sa udto, Oktubre 24, 2025.