Nakumperma na sa Embahada sa Pilipinas sa Myanmar nga luwas ang kahimtang sa 128 ka mga Pinoy sa Mandalay, homan sa nahitabong magnitude 7.7 nga linog.
Gikabutyag nga adunay 171 ka mga Pinoy ang nanimuyo sa nahisgutang lugar, subay sa rekord sa embahada samtang halos 100 sa ilaha ang nagpatabang nga mabalhin sa mas luwas nga lugar sa Myanmar.
Gipahayag ni Office of Migration Affairs Director Catherine Alpay, anaa sa maayong kahimtang ang 128 ka mga Pilipino samtang adunay katorse ang nahimutang sa Myanmar sa dihang nahitabo ang linog.
Nagpadayon usab ang hugot nga koordinasyon sa embahada sa mga awtoridad sa Myanmar aron maseguro ang kaluwasan sa uban pang Pinoy sa nahisgutang lugar, kauban ang pagpakisayod sa upat nga nga matod pa missing homan sa nahitabong linog.