Gibalibaran ni Philippine Coast Guard (PCG) ang imbitasyon ni Senator Rodante Marcoleta alang sa usa ka “friendly debate” kabahin sa West Philippine Sea kon WPS” ug Kalayaan Island Group “KIG”.
Giplano ni Sen. Marcoleta, nga makig‑diskusyon una kang PCG Spokesperson Commodore Jay Tarriela, retired Justice Antonio Carpio, ug maritime law expert Jay Batongbacal sa dili pa dawaton ang imbitasyon nga mosalmot sa usa ka maritime patrol padulong sa KIG.
Matud sa PCG spokesperson, ang isyu sa soberanya ug teritoryo sa Pilipinas nakabase sa 2016 Arbitral Award, sa Konstitusyon, ug sa kasamtangan nga mga balaod sa nasud, hinungdan nga dili kini angay himuong pampublikong debate or pampublikong aktibidad.
Samtang nagpabilin nga bukas ang PCG sa imbitasyon kang Marcoleta aron personal nga masaksihan ang sitwasyon sa Kalayaan Island Group ug mas masabtan ang kahimtang sa gidiskursyohan nga teritoryo.
Mipadayag usab og suporta ang Armed Forces of the Philippines (AFP) sa inisyatiba sa Philippine Coast Guard (PCG) nga imbitahon si Senador Rodante Marcoleta sa maritime domain awareness (MDA) flight human ang Senador namahayag nga ang Kalayaan Island Group (KIG) dili kabahin sa exclusive economic zone (EEZ) sa Pilipinas.
Matud kang AFP Spokesperson for the West Philippine Sea RADM Roy Vincent Trinidad, nga dili niini limitahan ang posibilidad sa imbetar sa mga government officials sa mga pagbansay niini apan matud pa nga kini usa ka “case-to-case” basis lamang.