Posibleng malangan ang nakatakda nga peace talks sa Pakistan human gipunting sa Iran nga kinahanglan una matuman ang ilang mga kondisyon sa dili pa magsugod ang negosasyon uban sa Estados Unidos.
Sumala kang Iranian Parliament Speaker Mohammad Baqer Qalibaf, kinahanglan una ma-unblock ang mga naka-freeze nga Iranian assets ug matuman ang hingpit nga ceasefire sa Lebanon sa dili pa magsugod ang panaghisgot.
Dugang pa niini, nga nasabotan na matud pa kini sa Washington ug dili magsugod ang negosasyon hangtod dili matuman ang mga kondisyon sa Iran.
Gipahayag usab ni Foreign Minister Abbas Araqchi ang parehas nga panawagan, lakip na ang dali nga paghunong sa pambobomba sa Israel sa Lebanon.
Sa bahin sa Estados Unidos, bisan wala pa opisyal nga pahayag gikan sa White House, sigon ni U.S. President Donald Trump sa usa ka interbyu nga andam ang Amerika nga ipadayon ang military operations kung mapakyas ang negosasyon.
Dugang pa niini, andam na ang ilang mga warships kung dili magmalampuson ang panaghisgot.